መግቢያ

አገራችን በአጭር ጊዜ ውስጥ ከድህነትና ኋላቀርነት ተላቃ መካከለኛ ገቢ ካላቸው አገሮች ተርታ እንድትሰለፍ ለማድረግ የኢኮኖሚ መዋቅራዊ ሽግግር ወይም ግብርና የኢኮኖሚ መሪነቱ ደረጃ በደረጃ ለኢንዱስትሪ ማስረከብ ሲችል ነው፡፡

ይህ መዋቅራዊ ሽግግር ወይም ትራንስፎርሜሽን ለማምጣት የማኑፋክቸሪንግ ዘርፍ ዕድገት ወሳኝ ተራ ያለው ቢሆንም በአሁኑ ጊዜ ያለበትን የዕድገት ደረጃ እንደሚፈለገው አይደለም፡፡

አዲስ የካፒታል ዕቃ ፋይናንስ ንግድ ስራ አክስዮን ማሕበር ለጥቃቅን፣ አነስተኛና መካከለኛ ተቋማት የካፒታል ዕቃ ፋይናንስ አገልግሎት በመስጠት የአገራችንን ልማት ለማፋጠን የሚል ዓላማ ይዞ በከተማው አስተዳደር፣ በአዋጅ ቁጥር 103/1990 እንዲሁም በተሻሻለው አዋጅ ቁጥር 807/2005 መሰረት በማድረግ የተቋቋመ ነው ፡፡ አዲስ የካፒታል ዕቃ ፋይናንስ መንግስት እነዚህን ችግሮችን ለመፍታት ከሚያደርገው ጥረት ውስጥ አንዱ የጥቃቅን፣ አነስተኛ እና መካከለኛ ኢንተርፕራይዞች በተለይም ደግሞ የማኑፋክቸሪንግ ሴክተር ያላቸውን የፋይናንስ እና የቴክኖሎጂ ችግሮችን ለመፍታት የካፒታል ዕቃ ፋይናንስ ስርዓት መዘርጋት አንዱ ነው፡፡

በዚህ መሰረት በአገራችን የካፒታል ዕቃ ፋይናንስ ስርዓት ለመዘርጋት በመጀመሪያው ምዕራፍ በ4 ክልሎች እና በአዲስ አበባ ከተማ አስተዳደር የካፒታል ዕቃ ፋይናንስ አቅራቢዎች በኣክስዮን ደረጃ እንዲቋቋሙ ተደርጓል፤